DAVLAT BOSHQARUVINI RAQAMLASHTIRISHNING INSTITUTSIONAL RIVOJLANISH VA SAMARADORLIK TAHLILI
Keywords:
davlat boshqaruvi, raqamli transformatsiya, elektron hukumat, davlat xizmatlari, raqamli platformalar, boshqaruv samaradorligi, idoralararo integratsiya.Abstract
Mazkur maqolada O‘zbekiston Respublikasida davlat boshqaruvini raqamlashtirish jarayonining institutsional rivojlanishi, raqamli davlat xizmatlarining kengayishi, boshqaruv samaradorligiga ta’siri tahlil qilinadi. Tadqiqotning asosiy maqsadi davlat boshqaruvini raqamlashtirishni faqat elektron xizmatlar ko‘rsatish jarayoni sifatida emas, balki davlat organlarining ichki faoliyati, idoralararo hamkorlik, qarorlar qabul qilish, ma’lumotlar almashinuvi va jamoatchilik oldidagi hisobdorlikni qamrab oluvchi kompleks institutsional transformatsiya sifatida o‘rganishdan iborat. Tahlil natijalari raqamli xizmatlar ko‘lamining kengayishi davlat va fuqaro o‘rtasidagi munosabatlarni soddalashtirish uchun muhim sharoit yaratganini, biroq texnologik rivojlanishning o‘zi boshqaruv samaradorligini to‘liq ta’minlamasligini ko‘rsatadi. Maqolada davlat boshqaruvini raqamlashtirish samaradorligini baholashga yo‘naltirilgan kompleks monitoring tizimini rivojlantirish, idoralararo ma’lumotlar almashinuvini kuchaytirish va inson manfaatlariga yo‘naltirilgan boshqaruv modelini shakllantirish bo‘yicha takliflar ishlab chiqildi.
