Ahliy Sheroziy qasidasida Alisher Navoiy madhi
DOI 10.52773/tsuull.gold.2021.1/HETA1264
Keywords:
qasida, madh, masnu', tarsi', poetik usullar, tazkira.Abstract
Sharq mumtoz adabiyoti janrlari orasida qasida janri nisbatan qadimiyroq bo’lib, badiiy tafakkur taraqqiyotida muhim ahamiyat kasb etgan. Shu bilan birga madh klassik adabiyotda eng keng tasvirlangan masalalardan biri va u qasida janri bilan baqamti rivojlanib borgan. Qasida janri va madh masalasi adabiyotimiz tarixida shu qadar bog’lanib ketganki, ularni bir-birisiz tasavvur qilib bo’lmaydi. Ushbu kichik tadqiqotda muallif mazkur ikki masalani birgalikda tahlil etgan.
Maqolada fors-tojik adabiyotining vakili Ahliy Sheroziyning Alisher Navoiyga bag‘ishlangan masnu' (san’atlarga boy) qasidasi haqida so‘z boradi. Muallif Navoiy yozgan masnu' qasida Sheroziyga ilhom berganligini ta'kidlar ekan, qasida baytlarini tahlil qilish asnosida undagi har bir misrada shoirning fazilatlari ta'rif etilganligini tarixiy faktlar vositasida dalillagan.